خليك عالعصر موش كل شي فلوس ..
ان تَما ثَمـن لفلوس ذل انفوس
موش كل حاجه ماده ..
خصـوصاً ان تمت بالمهانه راده
ادنقـر ان صـارت معتبه ومعاده ..
وتنخر مقامك كيف نخر السوس
تخليك كـاشـف والعرب متشاده ..
ايرايـوا ورايك فالخفا مدسوس
مصايب الدنيـا عـالخلايـق باده ..
لا هايبـه رايـس ولا مريوس
صيورهم سوا وقبـورهم متحـاده ..
لابـس التـاج ولابس الكبوس
اذكر نهـار الموت خـلك عـاده ..
وعـد يوم مرعب قمطرير عبوس
ديما اعداء واهـدافهـن متضـاده ..
عـزة النفـس وكسرة الناموس
ان تميت قانع كل حاجـه سـاده ..
ترضيـك شوية الميكول والملبوس
والمسلم بكـل الخير خـلك واده ..
ولا في حـرم عرضه بسو اتجوس
ولا تطيع نفسـاً فالشهاوي شاده ..
نِهـاية ايامـك رمس بين ارموس
وفيه ناس عن طـاعة الخالق نـاده ..
خبـاث العمل تفكيرهم منكوس
قوم عالضـلال وعالمخازي هـاده ..
عـاشـوا وماتوا رايهم منحوس
موش كل شي قروش ..
نين وين يطروهن احذاك اتشوش
وفي وجه من تطلب عطاه بشوش ..
سوا يكرمك والا عليك ايدوس
اديره وهو تافه حكيـم الغوش ..
من زيـف المديح تلبسه برنوس
ذايح وراها دنيتـك مـدهوش ..
وعن فرض ربك منعمي معكوس
ما تريد تحصد ورد يا مطفـوش ..
وانت في زمان الحرث باذر قوس
كون للمحاسن طالب ..
ولا تكـون ظالم للمهالك جالب
لا يغر بيك القو راهـو هـالب ..
وخـوذ من مصير الظالمين ادروس
يجي يوم عالمسلوب واللي سالب ..
حفـايـا عرايا خافضين الروس
ما هي وجيهه قولة الله غـالب ..
مـاللي فالحـرام برغبته مغموس
لانسان ما يحصل كل شي يريده ..
مرات شي يتعب صاحبه ويكيده
وفيهم اللي ما قبل حازه فيـده ..
نين طـاح في حفرة يمين غموس
كمين مال جا بقهار واتمرميـده ..
تنتيفـة شعر منخر وقلع اضروس
شنيعات فالحدره وفالتصعيـده ..
الـذل والطمع شرايهن منجوس
لانذال ما يهابوا ذنب لا تنقيده ..
عصـرهم قضا نحبه وهو محبوس
ولاجواد ما يذلنهم اظروف شديده ..
عصـرهـم بعزه شامخه محروس
عيش عالي الهمه ..
اصحـاك من طمع منا اتجيك مذمه
اصنت وخوذ النصح من بز امه ..
في كـتـاب ربـك تاجده ملموس
مالفاتحه لآخر ما كتـب في عمّ ..
نجـاة كـل تايـه في ظلام ايحوس
وخلك علي منهج رسـول الأمه ..
واضح وضوح الشمس مو مطموس
اللي خالفه مطول شقـاه وهمـه ..
ضليـل يتخبـط شبهـة الممسوس
ولا في عدو الدين تعلــق رمه ..
مـا في اتبـاع ابليس بنـة كوس
ايهود ونصارى خـاربين التمـه ..
واللـي للمـحبـه ألّهـوا فينوس
عفيف كون لا تخضع ولا اترمى ..
عـود عز في منبت حياء مغروس
الناس لولـه قالوا الفار إن تمه ..
بـولاط مـن فرتـونـة القطوس
خليك عالعصر موش كل شي فلوس ..
ان تما ثمـن لفلـوس ذل انفوس
ان تَما ثَمـن لفلوس ذل انفوس
موش كل حاجه ماده ..
خصـوصاً ان تمت بالمهانه راده
ادنقـر ان صـارت معتبه ومعاده ..
وتنخر مقامك كيف نخر السوس
تخليك كـاشـف والعرب متشاده ..
ايرايـوا ورايك فالخفا مدسوس
مصايب الدنيـا عـالخلايـق باده ..
لا هايبـه رايـس ولا مريوس
صيورهم سوا وقبـورهم متحـاده ..
لابـس التـاج ولابس الكبوس
اذكر نهـار الموت خـلك عـاده ..
وعـد يوم مرعب قمطرير عبوس
ديما اعداء واهـدافهـن متضـاده ..
عـزة النفـس وكسرة الناموس
ان تميت قانع كل حاجـه سـاده ..
ترضيـك شوية الميكول والملبوس
والمسلم بكـل الخير خـلك واده ..
ولا في حـرم عرضه بسو اتجوس
ولا تطيع نفسـاً فالشهاوي شاده ..
نِهـاية ايامـك رمس بين ارموس
وفيه ناس عن طـاعة الخالق نـاده ..
خبـاث العمل تفكيرهم منكوس
قوم عالضـلال وعالمخازي هـاده ..
عـاشـوا وماتوا رايهم منحوس
موش كل شي قروش ..
نين وين يطروهن احذاك اتشوش
وفي وجه من تطلب عطاه بشوش ..
سوا يكرمك والا عليك ايدوس
اديره وهو تافه حكيـم الغوش ..
من زيـف المديح تلبسه برنوس
ذايح وراها دنيتـك مـدهوش ..
وعن فرض ربك منعمي معكوس
ما تريد تحصد ورد يا مطفـوش ..
وانت في زمان الحرث باذر قوس
كون للمحاسن طالب ..
ولا تكـون ظالم للمهالك جالب
لا يغر بيك القو راهـو هـالب ..
وخـوذ من مصير الظالمين ادروس
يجي يوم عالمسلوب واللي سالب ..
حفـايـا عرايا خافضين الروس
ما هي وجيهه قولة الله غـالب ..
مـاللي فالحـرام برغبته مغموس
لانسان ما يحصل كل شي يريده ..
مرات شي يتعب صاحبه ويكيده
وفيهم اللي ما قبل حازه فيـده ..
نين طـاح في حفرة يمين غموس
كمين مال جا بقهار واتمرميـده ..
تنتيفـة شعر منخر وقلع اضروس
شنيعات فالحدره وفالتصعيـده ..
الـذل والطمع شرايهن منجوس
لانذال ما يهابوا ذنب لا تنقيده ..
عصـرهم قضا نحبه وهو محبوس
ولاجواد ما يذلنهم اظروف شديده ..
عصـرهـم بعزه شامخه محروس
عيش عالي الهمه ..
اصحـاك من طمع منا اتجيك مذمه
اصنت وخوذ النصح من بز امه ..
في كـتـاب ربـك تاجده ملموس
مالفاتحه لآخر ما كتـب في عمّ ..
نجـاة كـل تايـه في ظلام ايحوس
وخلك علي منهج رسـول الأمه ..
واضح وضوح الشمس مو مطموس
اللي خالفه مطول شقـاه وهمـه ..
ضليـل يتخبـط شبهـة الممسوس
ولا في عدو الدين تعلــق رمه ..
مـا في اتبـاع ابليس بنـة كوس
ايهود ونصارى خـاربين التمـه ..
واللـي للمـحبـه ألّهـوا فينوس
عفيف كون لا تخضع ولا اترمى ..
عـود عز في منبت حياء مغروس
الناس لولـه قالوا الفار إن تمه ..
بـولاط مـن فرتـونـة القطوس
خليك عالعصر موش كل شي فلوس ..
ان تما ثمـن لفلـوس ذل انفوس
» الكفاءة والفعالية والادارة الكفؤ
» التنظيم والمفاهيم الاساسية له
» الاتصالات الاداريةو ومراحل عملية الاتصال
» تعريف الادارة
» خوك ماينشرا بالمال
» امي الغالية
» تكاليف المخزون
» تخطيط المخزون