سقيتك حنان وعطف حاين عــودك للشاعر علي الساعدي الفاخري

سقيتك حنان وعطف حاين عــودك •• وْيـــن مـا زها صافن عليه ورودك
××××××××××××××××××××××××××××××××××
اللِّي موعلم لا نجيه لا ينــــــجالـــــــه •• وأنتِ مـــير عايز ماهناك أمــثالـــــه
لو كان هذا ما سومك فتـــحت سْـوالـه •• نـْـسـيبك بْرايـك هامـــله فـــي هــودك
وْلا يصيد لي خاطر علم مــــن يــالــه •• صــيَّاد ريـم ما نرضـى الاَّ بضـــدودك
وأنتِ ريم عاصي ما مْـقـنـِّص طــالـه •• يْعـــاود وما بالعـين شـاف غـْــرودك
والزين لو عجبني في السما نرقـى لـه •• دوَّار عَ الوعـر ساهل علي طـْـرودك
عصيتي علي لخْــريـن ونـــا لا لا •• راس حاجــتي تمِّيـــت هـــودي هودك
جميع من تـْعب واجـد يْحـيد بطـــــالـه •• شْـقيت في غلاك وصــار زال نــكودك
دريتك رسنــــــتي للغــــــلا وحْـــبالــه •• والفتي نـْســيتي عـزلــتك و شـْـرودك
الخالق الــــباري فيك صـــاغ جمـــاله •• علي كــل جنـس ولــون خذتـي زودك
سماحة اطْـباع ولون وأصل أصــالـه •• بالــزين والمحاســن كاملات بْـنــودك
وفيك جســم تحلف من حليب وْكالــه •• ويـْبَان مِ النظاف الماء مْعَ جرعـودك
طـْـوال وغـــزير يْـمــيل لـلـــنشعالـه •• نسيج من ذهب صافي شعر مبجودك
من حاشن بـْقت تـــشجيع للقـتـَّالــــه •• خـْــذي جائزة نـــوبل إكرام لـْـسودك
مْـغير الحديث يْـخـــرَّ به عــــلاَّلـــــه •• تـــبِّـي له نــهار ولاكـــمل مــجبـودك
لا يوصـــــفك غـنَّاي مِ ا لـقــوَّالـه •• ولا يــرسمك رسـَّـام فـيـت بْــكودك
ولا عــــــبقري كاتــب بليغ خـيـالـــه •• مـــثيل البحر لـــــسود أبْعـاد حْـدودك
اللِّي مـــو مصــدِّقني بْحـــقّ نـْـسـالـه •• يْجـي نوصـفه يعــمد مـكـان وجودك
يْتفرَّج بْعــــينه عَ الجـمـال قــــبالــــه •• مازال مـا حـطـَّوا عــــلـيك لـحــــودك
فيِّ ما خذيــتي قــول مــــن نـكـَّـالـــه •• أيامـــاً وْنــا غــالـي عـلــيك ودودك
نـْـوثـِّق بْحــيل جْهـدي فـي تامــالــــه •• وأنـت فـي صلاحه بـاذله مجهـودك
جنين كــبد مـضني عـقر صبَّـيـنا لـــه •• عـاش في دلال ومات من حـاســودك
وخيذه وما عــــندي لْــها رجَّـــالــــه •• يطـَّــاول علــي ثار الشهيد رقـــــودك
ادَّاوي بْباب الصــبر فــي مـعـــدالــه •• وإلاَّ بْغايــتك نوحــي علي مفقـــودك
بركــان ينفجــر يقـلع مْــــعاه جْــبــالــه •• فيضــان دمعتـك حلـِّي عليه سْــدودك
وَعَ الناس تحجبي في اللِّي حزين أشكاله •• وحـيدي حْـليك وزيــنتـك وعْــقودك
زمـــان الزها عــــدَّى هــلــب مـيجالـــه •• مــــاعد علـيك مـلام فـــي مـيلـــودك
أنــــتِ القدس مشـــــكل ما لـها حـلاَّلــه •• لا السـلم جـــابك لا الحرب يْـــعــودك
مـْــلاواه في ســـــبَّاك عـــمر بْـــحـالـــه •• نا والزعـيـم اللِّي عـليـــه ردودك
عفـــيف كــنـت ما نقــبل صغى واذلالـه •• عـزيز نفـس ما نــخشـى الاَّ معبودك
جــيـــتْ جــيِّـت الســادات نـجــدَّى لــــه •• بعد حـرب نسـعي فـي سلام يْـهـودك
اجتمــاع كامـبو ديفـيد نـهـي المـسالـــه •• وصار صـلح بين وفـُودنا ووفـُودك
شـــراب يْـتمــلـَّـص مســـكته مـوحــالــه •• وجـَّاج ريح ما يــربط خـبر نــمرودك
تــمـــرَّد علــيّ وخــان فـي مـــا قـــالـه •• رفـض جميع ما نصَّن عليه عـْـهودك
باب الــرجــا وثـَّــق جـــمـــيع أقــفــالـه •• وعالن طواري في صفـوف جْـنودك
المــولـي يـْـــكـافـــي كــلّ حـد بأعماله •• وبـينه وبيـــن جْـــدودنا وجْـــدودك
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
اسْــقـــيـتــك حـــبـِّــــــــــــــــــــــــــــــــــــــي •• وواطــي علي عــقــلي غلاك مـغبِّي
صغــــيره وقـلـبك بالــغلا مــتـعـــبِّـي •• حكيـتــي قـباله ودَّرَوك شـْـهـــــودك
ولطــن أقسامك والزمان لعــب بــِّـي •• يا مْـناي لا يـكـــثر عــليِّ عْــــــدودك
حـلال طلعــتـــك للنـور تــعــجــب ربِّـــي •• كيـــف الشــهــاده مِ الحــرام جحودك
لــو كــان خيَّرونــي مــا فــراقـــك نبِّـــي •• أنتِ البيت لــيِّ ونا نــكـون عمودك
مريض والدوا مــذهوب عـــارف طـبِّـي •• بســنـَّة بلا غـيـبه مْـــــعاي قـْـعــودك
شـْــفـق بوك خـاف نـْـموت يطــالـب بِّـي •• جبر بخاطري واطْـلق سـراح قـِـيودك
نـْهيل مــن وســـع لاجــل غـلاك نـْـلبِّــي •• جمــيع ما تريد دْمـايتك وسْـــنــودك
وأمــوال مــدَّخِر مـاني علــي الحبَبــِّــي •• مليون ندفعه حـاضر اعداد نــقـودك
وتجـي فــي مسيره عَ الفريق تـْــجـبِّــي •• فـوق مـــن قلالــي حاط به بجـودك
قـْـعــيري مْــجنـَّس فـــي الخول متربـِّـــي •• تـْــقول في بحر يردح مـع كرمودك
رجـوج مـــشيته يســتل قـريب يصبـِّـــي •• تهــوايه علي مفطـوم رودك رودك
والركب يقــرب والسـبـيــب مْـــدبـِّــــي •• مــثيل الرعــــد يــربـخ دوي بـارودك
في لْـباس من حرير وفي ذهوب تـْــخبِّي •• مــن عالـــي العال مع سماحة عودك
ونا فــي العرب ســــلطان وتـرحِّب بـِّي •• وأنـتِ عروس وبــــالغه مقصـودك
فـــــرحــه و مــا صـارت بـها متـنـبـــــِّي •• رمــيتي ومـا فــيدي فزع لنجــــودك
رايح خـــــــــيالي كيــف شــري وبــــــِّي •• إن كان نشغلك وإلاّ علـيّ انشــودك