عمل مفروم

#طريقة ذهبية للمفروم
اول شي نأخد طنيجره
ونحط
فيها بصل مفروم
وطماطم مفروم
وقرن فلفل صغير او نص قرن طبعا تضربوهم في ست البيت كلهم مع بعضهم وتحطيهم في طنجره متاعك مع شوية زيت وتاخدي المفروم متاعك طبعا سر كله بيكون اهني في المفروم لو بتاخديه وطني حطيه من غير اي اضافه تانيه وكان بتاخديه بقر او مستورد قوليلهم يفرمولك معاه #لية_متع_الخروف المهم تحطي المفروم متاعك وتبدي تحمريهم مع بعضهم لين يطلع دهانه و تحطي دبايرك الي هما ملح وربع كشيك فلفل احمر رشه قرفه وشوية تابل وكرويه وربع كشيك طماطم حكه وصبي ميه وخليهم يشكشكو مع بعضهم في طنجره متاعك وبعد م يبدا ينزح وينشف وريحته طلعت ودهانه طلع خودي شوية معدنوس وراس بصل اخضر افرميهم وحطيهم فوقه وخليه لين يزيد دهان ويرقا فوق …